२८ बैशाख २०७८ , मङ्लबार

काठमाडौं उपत्यकामा जेठ २ गतेदेखि चिनियाँ खोप भेरोसेल लगाइँदै

हेल्थ टिभी अनलाइन \काठमाडौं : सरकारले काठमाडौं उपत्यकामा कोरोनाविरुद्धको दोस्रो चरणको चिनियाँ खोप भेरोसेल जेठ २ गतेदेखि सञ्चालन गर्ने भएको छ।

उपत्यकामा कोरोना तीब्र बढेपछि एन्टि कोभिड भ्याक्सिनको दोस्रो चरणको खोप सञ्चालनका सम्बन्धमा सवै वडा कार्यालयमा एक हप्ताका लागि निश्चित समय तोकी भिडभाड हुन नदिन कुपन वितरण व्यवस्था मिलाउन सम्बन्धित निकायलाई लेखी पठाउने निर्णय भएको मन्त्रालयले जनाएको छ ।

यसअघि १८ देखि ६० वर्षसम्म उमेर समूहलाई खोप शुरु गरिएको भए पनि अत्यन्त भिडभाड भएपछि सो अभियान स्थगित गरिएको थियो । कोरोना महामारी जारी रहेकाले खुला स्थानमा भिडभाड नहुने गरी खोप लगाउने व्यवस्था गर्न जिल्ला प्रशासन कार्यालय काठमाडौंले सबैलाई आग्रह समेत गरेको छ ।

अहिले सबैभन्दा बढी सक्रिय संक्रमित उपत्यकामा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।