२७ बैशाख २०७८ , सोमवार

कोरोना संक्रमणबाट आज एकैदिन १३९ जनाको मृत्यु, ९ हजार २७१ संक्रमित थपिए

हेल्थ टिभी अनलाइन\ काठमाडौं : नेपालमा गत २४ घण्टामा १३९ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा सबै गरी १३९ जना संक्रमितको मृत्यु भएको हो । यो अहिलेसम्मकै उच्च संख्या हो ।

योसँगै देशभर कोरोना संक्रमण भएर ज्यान गुमाउनेको संख्या ३ हजार ८५९ पुगेको छ । उता गत २४ घण्टामा देशभर ९ हजार २७१ जना संक्रमित थपिएका छन्। योसहित कुल संक्रमितको संख्या ४ लाख ३ हजार ७९४ पुगेको छ ।

यीमध्ये हालसम्म ३ लाख ६ हजार ७९४ जना भने संक्रमणमुक्त भइसकेका छन्। गत २४ घण्टामा ४ हजार ७ जनाले कोरोना जितेर डिस्चार्ज भएको मन्त्रालयले जनाएको छ । हाल देशभर आइसोलेसनमा रहेका सक्रिय संक्रमितको संख्या ९३ हजार १४१ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।