२२ चैत्र २०७७ , आइतवार

मानव अंग प्रत्यारोपण केन्द्र भक्तपुरमा छैटौं कलेजो प्रत्यारोपण, बाबुलाई छोरीले दिइन् कलेजो

हेल्थ टिभी अनलाइन \काठमाडौं : भक्तपुरस्थित मानव अंग प्रत्यारोपण केन्द्रमा थप एक जनामा कलेजो प्रत्यारोपण गरिएको छ ।

केन्द्रका निर्देशक डा प्रेमराज ज्ञवालीका अनुसार भक्तपुरका ४४ वर्षीय पुरुषमा कलेजोको सफल प्रत्यारोपण गरिएको हो । उनलाई उनकी छोरीले कलेजो दिएकी हुन्। नेपालमा अंग दान गरेर आफन्त बचाउनेमा महिला अगाडी छन्।

डा ज्ञवालीले प्रत्यारोपण केन्द्रमा गरिएको यो छेटौं प्रत्यारोपण भएको बताए । अहिलेसम्म नेपालमा ३ वटा अस्पतालमा गरेर १२ जनामा कलेजो प्रत्यारोपण भएको छ । त्रिवि शिक्षण अस्पतालमा ५ जनाको, मानव अंग प्रत्यारोपण केन्द्रमा ६ जनाको र उपत्यकाबाहिर चितवन मेडिकल कलेजमा एक जनाको कलेजो प्रत्यारोपण भएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।