हेल्थ टिभी अनलाइन \बाँके : बाँकेको भेरी अस्पतालमा थप एकजना कोरोना संक्रमितको मृत्यु भएको छ ।

नेपालगन्ज उप-महानगरपालिका १ धम्बोजीका ८० वर्षिया संक्रमित महिलाको गए राती ११ :३० बजे मृत्यु भएको अस्पतालले जनाएको छ ।

महिलामा कोरोनाको जस्तै लक्षण देखिएपछि पुस २६ गते पीसीआर परीक्षण गरिएको र संक्रमण पुष्टि भएको थियो । उनलाई कोरोना पुष्टि भएपछि भेरी अस्पतालको आइसोलेसनमा राखेर उपचार भइरहेको थियो ।

अचानक बिहिबारदेखि स्वास्थ्य अवस्था बिग्रदै गएर राती साढे ११ बजे मृत्यु भएको अस्पतालले जनाएको छ ।