जनस्वास्थ्य अधिकृत गौरीशंकर देवको कोरोना संक्रमणबाट मृत्यु
हेल्थ टिभी अनलाइन\ काठमाडौं: जनस्वास्थ्य अधिकृत गौरीशंकर देवको कोरोना संक्रमणका कारण मृत्यु भएको छ । उनको शनिबार राती विराटनगरस्थित नोबेल अस्पतालमा उपचारकै मृत्यु भएको हो ।
हाल कल्याणपुर नगरपालिका स्वास्थ्य शाखा सिराहामा शाखा प्रमुखका रुपमा कार्यरत देव विगत ३० वर्षदेखि स्वास्थ्य सेवामा कार्यरत रहेको बताइएको छ । आफनो कार्य क्षेत्रमा रहँदा नै कोरोना संक्रमणमा परेका उनको स्वास्थ्य अवस्था जटिल बन्दै गएपछि आईसीयूमा राखेर उपचार भइरहेको भए पनि उनलाई बचाउन नसकिएको अस्पतालले जनाएको छ ।
उनी नेपाल स्वास्थ्यकर्मी युनियनका सहसचिव समेत हुन्। युनियनले उनको मृत्युले जनस्वास्थ्यको क्षेत्रमा ठूलो क्षति पुगेको जनाएको छ ।
पछिल्लो समय स्वास्थ्यकर्मी तथा चिकित्सकहरुको कोरोना संक्रमणबाट मृत्यु हुने क्रम बढेको छ । शनिबार मात्रै वरिष्ठ शल्य चिकित्सक डा ध्रुव शर्मा मुडभरीको कोरोना संक्रमणबाट मृत्यु भएको थियो ।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने