हेल्थ टिभी अनलाइन \काठमाडौं : नेपालमा कोरोना संक्रमणबाट मृत्यु हुनेको संख्या ११२६ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १८ जना कोरोना संक्रमितको मृत्यु भएसँगै नेपालमा कोरोनाबाट ज्यान गुमाउनेको संख्या ११२६ पुगेको हो ।

यसैगरी नेपालमा कुल संक्रमितमध्ये हुने मृत्युदर शुन्य दशमलब ६ प्रतिशत रहेको छ । उता आज देशभर २५७१ जना कोरोना संक्रमित थपिएका छन्। योसँगै हाल नेपालमा कुल कोरोना संक्रमितको संख्या १ लाख ९७ हजार २४ पुगेको छ । यी मध्ये १ लाख ५९ हजार ७२४ जना कोरोना जितेर संक्रमणमुक्त भइसकेका छन्।

हाल देशभर सक्रिय संक्रमितको संख्या ३६ हजार १७४ रहेको छ ।