हेल्थ टिभी अनलाइन \काठमाडौं : भारतले कोरोना भाइरस (कोभिड १९) महामारीविरुद्ध लड्न नेपाल सरकारलाई २८ वटा आईसीयू भेन्टिलेटर सहयोग गरेको छ ।

नेपालका लागि भारतीय राजदूत विनय मोहन क्वात्राले आइतबार स्वास्थ्य तथा जनसंख्या मन्त्री भानुभक्त ढकाललाई २८ वटा आईसीयू  भेन्टिलेटर हस्तान्तरण गरेका हुन्। सो अवसरमा मन्त्री ढकालले आफैँ पनि कोरोना महामारीसँग जुधिरहेको भारतले दुःखमा साथै छौँ भनेर गरेको सहयोगका लागि धन्यवाद दिएका थिए ।

उनले आपत परेका बेला गरेको यस्तो सहयोगले नेपाल भारत सम्बन्ध अझै मजबुद बनाउन सघाउ पुग्ने समेत जनाए । यसअघि पनि भारतले नेपाललाई विभिन्न स्वास्थ्य सामग्री प्रदान गरिसकेको छ ।

नेपालमा पछिल्लो समय कोरोना संक्रमितको संख्या बढ्दै गएपछि आईसीयू र भेन्टिलेटरको अभाव हुँदै आएको छ ।