हेल्थ टिभी अनलाइन \काठमाडौं :  नेपालमा पछिल्लो २४ घण्टामा थप १७ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्तालयका अनुसार पछिल्लो २४ घण्टामा देशभर थप १७ जनाको कोरोना भाइरसको संक्रमणबाट मृत्यु भएको हो ।

योसँगै नेपालमा हालसम्म कोरोना संक्रमण भएर मृत्यु हुनेको संख्या १ हजार ८७ पुगेको छ । मन्त्रालयका अनुसार आज देशभर २७ सय ५३ जना कोरोना संक्रमित थपिएका छन्। योसँगै नेपालमा कुल कोरोना संक्रमितको संख्या १ लाख ९१ हजार ६३६ पुगेको छ ।

यीमध्ये हाल ३५ हजार ४३५ जना सक्रिय संक्रमित रहेका छन् भने १ लाख ५५ हजार ११४ जना संक्रमणमुक्त भइसकेका छन्।