हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १०३९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ९ हजार १४५ नमुना परीक्षण गर्दा १ हजार ३९ जनामा संक्रमण पुष्टि भएको हो । योसँगै नेपालमा कुल कोरोना संक्रमितको संख्या ५४ हजार १५९ पुगेको छ ।

यसैगरी गत २४ घण्टामा ११७३ जना डिस्चार्ज भएका छन्। आज डिस्चार्ज भएका संक्रमितसहित गरेर कोरोना निको हुनेको संख्या ३८ हजार ६९७ पुगेको मन्त्रालयले जनाएको छ । काठमाडौं उपत्यकामा मात्रै गत २४ घण्टामा ५९७ जना संक्रमित थपिएका छन्।

गत २४ घण्टामा ९ जना संक्रमितको मृत्यु भएको छ । योसँगै कोरोनाबाट मृत्यु हुनेको संख्या ३४५ पुगेको छ ।