२२ साउन २०७७ , बिहिबार

नेपालगञ्जमा एक चिकित्सकसहित थप २८ जनामा कोरोना संक्रमण

हेल्थ टिभी अनलाइन \काठमाडौं : बाँकेको भेरी अस्पतालमा गरिएको परीक्षणमा आज एक जना चिकित्ससहित थप २८ जनामा कोरोना संंक्रमण पुष्टि भएको छ ।

अस्पतालले बिहिबार साँझ विज्ञप्ति जारी गर्दै गत ४८ घण्टामा अस्पतालको प्रयोगशालामा गरिएको परीक्षणमा बाँकेमा एक जना चिकित्सकसहित थप २८ जना, बर्दियाका १३ र कैलालीका १ जनामा कोरोना संक्रमण पुष्टि भएको जनाएको हो । कोरोना संक्रमण हुने चिकित्सक नेपालगञ्ज मेडिकल कलेज शिक्षण अस्पतालमा कार्यरत रहेको बताइएको छ ।

गत ४८ घण्टामा ५९० जनाको पीसीआर परीक्षण गर्दा ४२ जनामा कोरोना पोजेटिभ देखिएको अस्पतालले जनाएको छ । नेपालगंजमा कोरोना समुदायमा फैलिएको भन्दै गत आइतबारदेखि शनिबारसम्मका लागि लकडाउन गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।