१७ असार २०७७ , बुधबार

भारतमा एकै दिन ५०७ जनाको मृत्यु, संक्रमितको संख्या ६ लाख नजिक

हेल्थ टिभी अनलाइन: भारतमा एकै दिन ५०७ जनाले कोरोना संक्रमणबाट ज्यान गुमाएका छन्। योसंख्या अहिलेसम्मकै उच्च भएको भारतीय स्वास्थ्य मन्त्रालयले जनाएको छ । भारतमा कोरोना संक्रमितको संख्या मात्र हैन् पछिल्लो समय मृत्यु हुनेको संख्या पनि बढ्दै गएको छ ।

भारतीय स्वास्थ्य मन्त्रालयका अनुसार गत २४ घण्टामा मात्रै अहिलेसम्मकै धेरै ५०७ जनाको कोरोना संक्रमणबाट मृत्यु भएको छ । मंगलबार मात्रै १८ हजार ६५३ जना नयाँ संक्रमित थपिएका छन्। योसँगै भारतमा कोरोना संक्रमितको संख्या ५ लाख ८५ हजार ४९३ पुगको छ भने हालसम्म १७ हजार ४ सय संक्रमितको मृत्यु भएको छ ।

भारतमा सबैभन्दा बढी प्रभावित महाराष्ट्र बनेको छ । त्यसपछि बढी संक्रमित नयाँ दिल्लीमा संक्रमित भेटिएका छन्। भारतमा ८ दिन यता लगातार १५ हजार भन्दा बढी संक्रमित पुष्टि भइरहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।