हेल्थ टिभी अनलाइन \काठमाडौं:  प्रधानमन्त्री केपी शर्मा ओलीको स्वास्थ्यमा समस्या आएपछि महाराजगञ्जस्थित मनमोहन कार्डियोथोरासिक भाष्कुलर तथा ट्रान्सप्लान्ट सेन्टरमा भर्ना गरिएको छ ।

अस्पताल स्रोतका अनुसार प्रधानमन्त्री ओलीले स्वास्थ्यमा असहज महशुस गरेपछि बिहिबार राती अस्पताल भर्ना गरिएको हो ।

उनको मुटुको चालमा केही समस्या देखिएको थियो । अहिले सुधार भएको र आजै डिस्चार्ज हुनसक्ने अस्पताल स्रोतले जानकारी दियो ।

प्रधानमन्त्री ओलीको त्रिवि शिक्षण अस्पतालमा गत फागुन २१  गते  दोस्रो पटक मिर्गौला प्रत्यारोपण गरिएको थियो ।