काठमाडौं : डेंगु प्रभावित क्षेत्रका चिकित्सक तथा स्वास्थ्यकर्मीहरुलाई सरकारले तत्काल बिदा नदिने भएकाे छ ।

देशभर डेंगुको त्रास फैलिएकाले डेंगु प्रभावित क्षेत्रमा कार्यरत चिकित्सक तथा स्वास्थ्यकर्मीहरुको समायोजन भएकाे भए पनि तत्कालका लागि कार्यान्वयन नहुने भएको हो ।

स्वास्थ्य तथा जनसंख्या मन्त्रालयले बुधबार सचिवस्तरीय निर्णय गर्दै तत्कालका लागि समायोजनको पत्र पाइसकेको भए पनि यथास्थानमा रहेर काम गर्न निर्देशन दिएको हो । मन्त्रालयले अर्को आदेश नहुँदासम्म यथास्थानमा रहेर कामकाज गर्न गराउन पनि निर्देशन दिएको छ ।

यसका साथै मन्त्रालयले अर्को आदेश जारी नभएसम्म प्रसुति बिदा, अध्ययन बिदा र किरिया बिदा बाहेकका अन्य बिदा स्वीकृत नगर्न समेत निर्देशन दिएको छ ।