१४ साउन २०७६ , मङ्लबार

ओखलढुंगामा बढे सरूवा राेगका बिरामी

ओखलढुंगा : वर्षासँगै मौसममा आएको परिवर्तनका कारण जिल्लाको ओखलढुंंगा सामुदायिक अस्पतालमा पानीजन्य रोगका बिरामीको चाप बढेको छ।

असारको अन्तिम सातादेखि साउनको पहिलो सातासम्म निरन्तर परेको पानीका कारण अस्पतालमा बिरामीको चाप बढेको बताइएको छ।

मौसम परिवर्तनका कारणले फैलिने आउँ, टाइफाइट, झाडापखाला जस्ता रोगहरूको बिरामीको चाप धेरै रहेको अस्पतालका तथ्यांक अधिकृत फणिन्द्र दानीले बताए

दैनिक रूपमा १५ देखी २० जना बिरामी अस्पतालमा भर्ना हुने गरेको र त्यस मध्य ५ देखि ७ जना पानीजन्य रोगको बिरामी हुने गरेको उनले बताए। साउन १ देखि १२ गते सम्म १९३ बिरामी उपचारका लागि अस्पताल भर्ना भएको अस्पतालकाो तथ्यांकमा उल्लेख छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।