हर्लिक्स शाकाहार कि मांसाहार?
बिरामी हुँदा तागत दिन्छ भनेर हर्लिक्स खाने गर्नुभएकाे हाेला। यसैगरी कतिले अाफ्ना बालबालिकालार्इ पाेषिलाे खानेकुरा खुवाउने बहानामा हर्लिक्स नै खुवाउने गर्नुभएकाे हाेला। कतिले त पूजाअाज वा व्रतका वेला शुद्ध भनेर यसलार्इ पिउने गर्नुभएकाे हाेला।
हर्लिक्सको प्याकेटमा १० भन्दा बढी पोषक छ भनेर लेखेको पाइन्छ। यसको सँगै हरियो रङकाे सानो थोप्लो पनि हुन्छ यसको अर्थ हो, हर्लिक्स शाकाहार हो। हर्लिक्स बनाउने कम्पनी ग्यालेक्सो स्मिथ क्लाइन कन्ज्युमर हेल्थकेयरले बीबीसीलाई बताएअनुसार यो पूर्ण शाकाहार हो।
तर भारतमा अहिले हर्लिक्स शाकाहार हो भन्ने कुरामा प्रश्न उठ्न थालेको छ। बिहारको मुजफ्फरफुरमा हर्लिक्स पूर्ण शाकाहारी नभएको भन्दै यसको खरिद बिक्रीमा रोक लगाइएको छ। जिल्ला औषधि नियन्त्रण विभागले गरेको जाँचमा, हर्लिक्समा भएको भिटामिन ‘डी’को स्रोत जन्तुको स्रोत हो त्यसैले यो मांसाहारी हो भनिएकाे छ।
मुजफ्फरफुरको ‘ड्रग्स इन्सपेक्टर’ विकास शिरोमणिले सूचना जारी गरी हर्लिक्स बिक्रीमा रोक लगाएका हुन्। तर उत्पादक कम्पनीले भने हर्लिक्स शाकाहार नै भएकाे दाबी गरेका छन्। ‘हामीले ड्रग्स इन्सपेक्टरको नोटिस पाएका छौँ’, ग्यालेक्सो स्मिथक्लाइन कन्ज्युमर हेल्थकेयरको प्रवक्ताले भने, ‘हाम्रा सबै उत्पादन फुड सेफ्टी स्ट्यान्डर्डमा भएकाले लाइसेन्स पाएको हाैँ।’







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो