हेल्थ टिभी अनलाइन\ काठमाडौं : काठमाडौंको बसुन्धरामा रहेको कान्तिपुर डेन्टल कलेज टिचिङ हस्पिटलद्धारा सञ्चालित केडीसी जनरल हस्पिटलले एक वर्ष भित्र १० हजार बढी सर्वसाधारणको निशुल्क स्वास्थ्य परीक्षण गर्ने भएको छ ।

प्रभु बैंक लिमिटेड र वीएम फाउण्डेसनसँगको सहकार्यमा केडीसीले जिल्ला जिल्लामा गएर १० हजार बढीको मुख तथा दन्त स्वास्थ्य, आँखा स्वास्थ्य र महिलाको प्रजनन् स्वास्थ्य सम्वन्धी परीक्षण गर्ने भएको हो ।

केडीसीले जिल्लामा स्वास्थ्य शिविर गरेका बेला स्थानीय तहका महिला स्वास्थ्य स्वयंसेविका, विद्यालयका शिक्षक र स्थानीय स्वास्थ्य संस्थाका प्राविधिकहरुलाई मुख तथा दन्त स्वास्थ्य, आँखा स्वास्थ्य र महिलाको प्रजनन् स्वास्थ्य सम्वन्धी अभिमुखिकरण तालिम दिने समेत जनाएको छ ।

निशुल्क स्वास्थ्य परीक्षण र अभिमुखीकरण सम्वन्धी कार्यक्रम गर्ने विषयमा मंगलबार केसीडी र वीएम फाउण्डेशनका अध्यक्ष डा बुद्धिमान श्रेष्ठ र प्रभु बैंकका सिईओ अशोक शेरचनबीच सम्झौता पत्रमा हस्ताक्षर भएको छ ।